ධවල මන්දිරයෙන් කොකේන් හමුවෙයි
ධවල මන්දිරයේ ආරක්ෂාවට සිටින බුද්ධි අංශයේ නිලධාරින් විසින් එහි බටහිර කොටසේ සිදු කළ මුර සංචාරයක දී කොකේන් මත්ද්‍රව්‍ය සොයාගෙන ඇති බව විදෙස් මාධ්‍ය වාර්තා කරනවා.
මීට දින කිහිපයකට පෙර සැකකටයුතු මත් ද්‍රව්‍යක් සොයා ගැනීමෙන් පසු ඇමරිකාවේ නිල නිවස වන ධවල මන්දිරයේ සියලුම කාර්ය මණ්ඩලය තාවකාලිකව ඉවත් කිරීමට බුද්ධි අංශයේ නිලධාරීන් පියවර ගෙන තිබෙනවා.
කෙසේ වෙතත් සිදු කළ පර්යේෂණයක දී අනාවරණය වී ඇත්තේ එම මත්ද්‍රව්‍ය වර්ගය කොකේන් වන බවයි.
මේ පිළිබඳව විමර්ශනයක් සිදුවන බැවින් ධවල මන්දිරයේ ප්‍රකාශකයන් වැඩිදුර තොරතුරු ලබා දීමෙන් වැළකී සිටින බවයි වාර්තා වන්නේ.
එමෙන්ම එම කුඩු වර්ගය කොකේන් බව අනාවරණය වීමෙන් පසු ධවල මන්දිරයේ කාර්ය මණ්ඩලයට නැවත එහි ප්‍රවේශවීමට අවසර ලැබී ඇති බව ද වාර්තා වනවා
