චීනය පසුගිය වසරේ එහි අඩුම විවාහ සංඛ්‍යාව වාර්තා කරයි
උපත් අනුපාත පහත වැටීම හා ජන විකාස අර්බුදයක් පිළිබඳ රජයේ සැලකිල්ල වර්ධනය කර ඇති විවාහයන් සම්බන්ධයෙන් දශකයකට ආසන්න කාලයක් පැවති පරිහානිය තවදුරටත් වර්ධනය කරමින් චීනය පසුගිය වසරේ එහි අඩුම විවාහ සංඛ්‍යාව වාර්තා කර තිබෙනවා.
චීනයේ සිවිල් කටයුතු අමාත්‍යාංශය විසින් නිකුත් කරන ලද නවතම දත්තවලට අනුව 2022 දී යුවල මිලියන 6.83 ක් පමණ විවාහ ඇති බවයි වාර්තා වන්නේ.
එය 2021 දී මිලියන 7.63 ක විවාහ ලියාපදිංචිය හා සැසඳීමේදී 10.5% කින් පමණ අඩු වීමක් පෙන්නුම් කර ඇති අතර අමාත්‍යාංශය සංඛ්‍යාලේඛන නිකුත් කිරීම ආරම්භ කළ 1986 සිට වාර්තා වූ අඩුම අගය ලෙස සැලකෙනවා.
රජයේ දැඩි Covid-19 පාලනයන් තුළ රට පුරා නගර සහ දිස්ත්‍රික්ක රැසක් වසා දැමුණු අතර දෛනික ජීවිතය සීමා කිරීම් රාශියකින් කඩාකප්පල් වීම් නිසා චීනයේ මිනිසුන්ට අසාමාන්‍ය ලෙස අභියෝගාත්මක වසරක දත්ත මෙම විවාහ සම්බන්ධයෙන් නියෝජනය කරනවා.
