ඇමරිකානු ජනාධිපති හදිසියේම යුක්‍රේනයට

ජෝ බයිඩන්

ඇමරිකානු ජනාධිපති ජෝ බයිඩන් හදිසියේම යුක්‍රේනයේ කියුව් අගනුවරට ගොඩබැස තිබෙනවා.

ඒ හරියට ම රුසියාවේ ආක්‍රමණයේ පළමු සංවත්සරයට දින තුනකට පෙරයි.

යුක්‍රේනයට ගොඩ බට ඇමරිකානු ජනාධිපතිවරයා කියා සිටියේ “ආක්‍රමණයෙන් වසරකට පසුවත්, කියෙව් එය ශක්තිමත්ව දරාගෙන සිටියි, යුක්රේනය එයට එරෙහිව නැගී සිටියි, ප්‍රජාතන්ත්‍රවාදය ශක්තිමත් සහ ස්ථාවරයි.” යනුවෙනුයි.

දරුණු යුධ ගැටුමකට මැදිව ඇති යුක්‍රේනයේ සිදුකළ මෙම හදිසි සංචාරය සඳහා ජනාධිපති බයිඩන් කියුව් වෙත ගොඩබසින අතරේ නව අවි ආයුධ සඳහා ඩොලර් මිලියන 500ක් ද ප්‍රකාශයට පත් කළා.

ඔහුගේ සංචාරය රහසිගතව සිදුව තිබූ අතර ඔහු සමග පැමිණ සිටියේ වාර්තාකරුවන් දෙදෙනෙකු පමණයි.

ඇමරිකානු ජනාධිපතිවරයා මැරින්ස්කි මාලිගයේදී ජනාධිපති ව්ලැද්මීර් සෙලෙන්ස්කි හමුවූ අතර කාලතුවක්කු, පතොරම්, සහ හොවිට්සර් ඇතුළු අමතර යුධ ආධාර සඳහා ඇමරිකානු ඩොලර් බිලියන භාගයක් වෙන් කරන බව ප්‍රකාශ කළේ එහිදී යි.

Leave a Reply

Your email address will not be published. Required fields are marked *