ෂෝටීස්වල මිල අඩු වෙයි
කෙටි කෑමවල මිල ගණන් සංශෝධනය කර තිබෙනවා.
සමස්ත ලංකා ආපණශාලා හිමියන්ගේ සංගමය සඳහන් කළේ, සියලුම කෙටි කෑමවල මිල ගණන් අද (18) සිට ක්‍රියාත්මක වන පරිදි රුපියල් 10කින් අඩු වනු ඇති බවයි.
ඇතැම් අමුද්‍රව්‍යවල මිල අඩුවීම සැළකිල්ලට ගනිමින් මෙම තීරණය ගත් බවයි එම සංගමයේ සභාපති අසේල සම්පත් කියා සිටියේ.
ඊයේ මධ්‍යම රාත්‍රියේ සිට ක්‍රියාත්මක වන පරිදි ග්‍රෑම් 450ක් බරැති පාන් ගෙඩියක මිල ද රුපියල් 10කින් අඩු කෙරුණා.
එමෙන්ම වෙළෙඳපොලේ තිරිඟු පිටි මිල ද අඩු කෙරුණු අතර, එය රුපියල් 28කින් බවයි වාර්තා වන්නේ.
